15 сакавіка адзначаецца Сусветны дзень праў спажыўцоў

Сёння Сусветны дзень абароны праў спажыўцоў. У Беларусі выбудавана дакладная і эфектыўная сістэма. Летась МАРГ і выканкамы разгледзелі больш як 10 тыс. зваротаў. Самая вялікая колькасць скаргаў - на гандаль і сферу ЖКГ-паслуг.

Па выніках разгляду зваротаў пакрыты матэрыяльны ўрон памерам 1,6 млн рублёў. У Беларусі пастаянна абнаўляецца профільнае заканадаўства. З апошняга - для ўладальнікаў пунктаў выдачы заказаў. Яны абавяжуцца ў даступнай форме давесці да ведама пакупнікоў усю неабходную інфармацыю.

Дарэчы, у Беларусі выбудавана эфектыўная сістэма па абароне праў спажыўцоў. Для гэтага можна звяртацца ў мясцовыя ўлады. Калі не дапамагло, за справу возьмецца МАРГ. Яшчэ адзін інструмент - грамадская абарона: сёння функцыянуе больш як 20 профільных аб'яднанняў. Пры гэтым судовая абарона фактычна бясплатная для спажыўцоў.