7 верасня нафтавікі адзначаюць прафесійнае свята

7 верасня прафесійнае свята адзначаюць працаўнікі нафтавай, газавай і паліўнай прамысловасці. Ён аб'ядноўвае геолагаў і буравікоў, распрацоўшчыкаў і будаўнікоў, транспартнікаў і тэхнолагаў.

Прэзідэнт Беларусі Аляксандр Лукашэнка павіншаваў з прафесійным днём.

"Нафтавая, газавая і паліўная прамысловасць - гэта адзін з найважнейшых стратэгічных рэсурсаў, якія ляжаць у аснове стабільнасці і працвітання Беларусі. Сваёй працай кожны з вас робіць вялікі ўклад у паступальнае развіццё эканомікі, гарантаванне энергетычнай бяспекі краіны і дабрабыту грамадзян", - гаворыцца ў віншаванні.

Вынік працы гэтых прафесіяналаў - паліва ў аўтамабілі, святло і цяпло ў дамах. Супрацоўнікі павышаюць якасць жыцця людзей. Сёння газ падведзены да ўсіх раёнаў краіны, забяспечаны ўсе гарады і гарадскія пасёлкі. Таксама ўмацоўваюць і нацыянальную эканоміку: беларускі торф пастаўляецца ў дзевяць краін блізкага і далёкага замежжа. А вось па вытворчасці паліўных брыкетаў Беларусь апынулася першай у свеце. Мае поспех рэспубліка за апошнія гады і ў здабычы нафты. Сёння ў нафтавікоў стаіць задача да канца 2025-га пераадолець планку здабычы 2 млн т чорнага золата. Дарэчы, апошнім разам дасягнуць такіх паказчыкаў атрымлівалася больш як 30 гадоў таму.