9 студзеня спаўняецца 30 гадоў з дня стварэння Агенцтва тэленавін

9 студзеня спаўняецца роўна 30 гадоў, як у Беларусі было створана Агенцтва тэленавін, падраздзяленне Белтэлерадыёкампаніі. І на працягу наступных дзесяцігоддзяў інфармацыйныя выпускі сталі летапісам жыцця маладой беларускай дзяржавы.

Незадоўга да гэтай юбілейнай даты галоўная і элітная тэлевізійная структура навін перажыла эвалюцыйны рэбрэндынг. З 17 верасня мінулага года "Першы інфармацыйны" тэлеканал у такім эксклюзіўным, аператыўным і смелым фармаце пачаў сваё вяшчанне на базе АТН. Аднак гэтыя тры літары - брэнд беларускай журналістыкі, і для некаторых яны сталі лёсам.