Беларускі школьнік стаў абсалютным чэмпіёнам на Сусветнай алімпіядзе па геаграфіі

Беларуская сістэма адукацыі, талент педагогаў і імкненне да перамогі маладых беларусаў - менавіта яны выклікаюць гонар і лепш за ўсё рэкламуюць магчымасці краіны.

Школьнік з Брэста стаў абсалютным чэмпіёнам на Сусветнай алімпіядзе па геаграфіі.

Мікалай Місіюк не проста ўвайшоў у лік пераможцаў, ён паказаў лепшы вынік сярод усіх удзельнікаў алімпіяды. А гэта 180 інтэлектуалаў з сарака сямі краін. Беларуская школа выхоўвае чэмпіёнаў сусветнага ўзроўню.

Дарэчы, залаты медаль стаў чацвёртым у гісторыі ўдзелу Беларусі ў Сусветнай алімпіядзе і першай - абсалютнай.

Акрамя таго, беларуская каманда вяртаецца на радзіму і з серабром. Узнагарода - у Аляксея Клімко з Мінска.