Белгідрамет аб'явіў аранжавы ўзровень небяспекі 14 сакавіка з-за ўзмацнення ветру

14 сакавіка ў Беларусі аб'явілі аранжавы ўзровень небяспекі з-за ўзмацнення ветру. Пра гэта заявілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды, паведамляе БЕЛТА.

Прагназуецца рэзкае змяненне ўмоў надвор’я, пахаладае.

Будзе воблачна з праясненнямі. Раніцай на большай частцы тэрыторыі рэспублікі, днём пераважна па паўночнай палове пройдуць ападкі (дождж, які можа пераходзіць у мокры снег). У ранішнія гадзіны ў асобных раёнах можа быць слабы галалёд.

Вецер паўднёвы з пераходам на заходні, паўночна-заходні, 5-10 м/с, парывы да 14 м/с. Раніцай у многіх раёнах, днём па ўсходняй палове парывы могуць дасягаць 15-20 м/с.

Тэмпература паветра на працягу сутак складзе ад мінус 1 па паўночным захадзе да плюс 11 па паўднёвым усходзе.

Цяплей усяго будзе ў Гомелі - 9-11 градусаў.  У Магілёве і Віцебску прагназуецца плюс 7-9, Брэсце - плюс 6-8, у Мінску і Гродне - плюс 2-4 градусы.