Больш за 10 тыс. гледачоў і лепшыя галасы Беларусі - як прайшоў канцэрт "Час выбраў нас"

"Марафон адзінства" стаў сапраўдным гімнам суверэннай Беларусі і яе гісторыі. Яркі акорд грандыёзнай па маштабе і значэнні рэспубліканскай акцыі прагучаў 24 студзеня ў самым сэрцы краіны.

Фінальны канцэрт "Час выбраў нас" сабраў пад дахам "Мінск-Арэны" больш за 10 тыс. гледачоў. У такі момант Прэзідэнт Беларусі Аляксандр Лукашэнка быў побач са сваім народам. Ён з гонарам адзначыў: "Марафон адзінства" паказаў, што беларусы могуць ствараць на сусветным узроўні!" Наступная пяцігодка, паводле слоў беларускага лідара, стане часам моладзі. І вельмі важна ўкласці ў галовы і сэрцы новых пакаленняў тыя каштоўнасці, якім мы адданыя ўжо 30 гадоў (гл. у відэа).