Брэст сустракае Дзень Перамогі. Як будзе святкаваць горад, які першым прыняў удар ворага

Калі б тады, у 1945-м, нашы дзяды і прадзеды не выстаялі, не было б зараз такой мірнай, сучаснай і любімай намі Беларусі! Сёння 80 год Вялікай Перамогі маштабна святкуюць ва ўсіх кутках нашай незалежнай краіны.

Брэст віншуе ўсіх з Днём Вялікай Перамогі!! Сёння ўсе словы падзякі за мір - нашым ветэранам. Святочныя мерапрыемствы ўжо пачаліся з Парада Перамогі з удзелам ваеннай тэхнікі.

Хутка па праспекце Машэрава ўрачыстым маршам пройдуць войскі Брэсцкага гарнізона. Жыхары і госці Брэста, ветэраны пройдуць у Брэсцкую крэпасць-герой. Дарэчы напярэдадні цытадэль адзначыла 60-годдзе гэтага ганаровага звання. У легендарнай цытадэлі да Вечнага агню, пліт мемарыяла і знакаў гарадоў-герояў лягуць жывыя кветкі і вянкі. У памяць аб загінуўшых абаронцах - хвіліна маўчання.

У Музеі абароны Брэсцкай крэпасці адбудзецца гашэнне маркі. Цэлы дзень у горадзе будуць працаваць канцэртныя пляцоўкі, выстава ваеннай тэхнікі.

Увечар усіх запрашаем на святочны канцэрт у Брэсцкую крэпасць, які скончыцца акцыяй "Праспяем песню Перамогі разам". Кульмінацыяй святкавання 80-годдзя Вялікай Перамогі стане грандыёзны салют!