БЧ прызначыла 239 дапцягнікоў у перыяд навагодніх і калядных свят

Беларуская чыгунка прызначыла 239 дадатковых цягнікоў у перыяд навагодніх і калядных свят.

З іх 185 у міжрэгіянальных кірунках. Яны будуць курсіраваць паміж сталіцай і ўсімі абласнымі цэнтрамі Беларусі, а таксама ў кірунках: Мінск - Пінск, Брэст - Гомель, Гомель - Віцебск, Гродна - Орша - Віцебск, Камунары - Орша - Гродна і Мінск - Орша - Крычаў.

У міжнародных зносінах з Расіяй прадугледжана курсіраванне дадатковых цягнікоў па маршрутах Брэст - Мінск - Масква, Мінск - Санкт-Пецярбург і Полацк - Масква. У залежнасці ад попыту на перавозкі колькасць месцаў можа быць павялічана.