Дзе нацыянальны прадукт? Супрацоўнікі КДК правяраюць магазіны Беларусі на наяўнасць бульбы

Нацыянальны прадукт Беларусі знік з паліц магазінаў. У гэтым ужо разбіраюцца супрацоўнікі Камітэта дзяржкантролю. Яны манітораць сітуацыю па наяўнасці бульбы ў гандлёвых пунктах краіны. Рэвізіі з удзелам мясцовых органаў улады праводзяцца па ўсёй рэспубліцы. Таксама будуць вывучаны цэны на гэты прадукт. У выпадку завышэння кошту пакаранне будзе аж да прыпынення дзейнасці гандлёвых аб'ектаў, заявілі ў Камітэце дзяржкантролю.

Звярнуцца на гарачую лінію КДК можна па нумары 191 з 09:00 да 17:00

Акрамя таго, жыхары Беларусі ў чацвер, 8 мая, з 9 да 17 гадзін могуць звярнуцца на гарачую лінію Камітэта дзяржкантролю па кароткім нумары 191 і паведаміць аб адсутнасці гэтага сацыяльна значнага прадукту ў магазінах.