Еўрапейскія пагранічнікі на мяжы з Беларуссю за выхадныя аформілі 28 % грузавікоў ад нормы

Амаль тысяча легкавых і грузавых аўтамабіляў, а таксама пасажырскіх аўтобусаў стаяць у гэтыя хвіліны ў пунктах пропуску на мяжы Беларусі з ЕС, вынікае з даных Дзяржпагранкамітэта.

Самыя вялікія чэргі - на мяжы з Польшчай: на ўезд фіксуецца 535 фур. Кантралюючыя службы гэтых пунктаў пропуску за чатыры дні прынялі на сваю тэрыторыю толькі 30 % транспарту ад нормы.

На літоўскім кірунку зараз стаяць 170 цяжкагрузаў. У суботу, 18 красавіка, чарга дасягала больш за тысячу адзінак.