"Галоўная задача - гэта пошук людзей". У МНС распавялі аб рабоце беларускіх ратавальнікаў у М'янме

Беларускія ратавальнікі працягваюць дапамагаць М'янме ў ліквідацыі наступстваў разбуральнага землетрасення. Лік ахвяр кожны дзень расце. На 3 красавіка ў спісе загінуўшых 3 085 чалавек, пацярпелых амаль 5 тыс.

Якую функцыю выконвае наш атрад спецпрызначэння на месцы трагедыі, распавёў Яўген Бараноўскі, афіцыйны прадстаўнік МНС Беларусі.

"Наш атрад атэставаны па міжнародных стандартах Арганізацыі Аб'яднаных Нацый. Гэта пошукава-выратавальны атрад цяжкага класа, які здольны аўтаномна на працягу 10 сутак у рэжыме 24 на 7 праводзіць пошукава-выратавальныя работы. Таму прынцыпова было накіраваць як мага хутчэй нашых хлопцаў туды, у М'янму. Галоўная задача - гэта пошук людзей, выманне іх з-пад завалаў і аказанне неабходнай дапамогі, - распавёў Яўген Бараноўскі, афіцыйны прадстаўнік МНС Беларусі. - Усяго ў атрадзе 66 чалавек, 4 кіналагічныя разлікі, 4 сабакі. Першая група - 33 ратавальнікі, 2 сабакі і 2 адзінкі тэхнікі - ужо прыбыла непасрэдна ў Мандалай і праводзіць пошукава-выратавальныя работы".