Гульня па новых правілах. У МНЗ пракаменціравалі ўказ аб ігральным бізнесе

Ужо да канца года рэгулятар выпрацуе тэхнічнае рашэнне забароны для банкаў і фінансавых арганізацый - пераводзіць грошы кліентаў у карысць замежных арганізатараў рызыкоўных гульняў. Аб гэтым у эксклюзіўным інтэрв'ю "Першаму інфармацыйнаму" распавёў намміністра па падатках і зборах.

На мінулым тыдні Прэзідэнт падпісаў Указ "Аб дзейнасці ў сферы ігральнага бізнесу". Дакумент у першую чаргу накіраваны на празрыстасць устаноў і сайтаў, якія прадстаўляюць рызыкоўныя гульні. Сярод іншых новаўвядзенняў - забарона для банкаў і фінансавых арганізацый пераводзіць грошы кліентаў у карысць замежных арганізатараў рызыкоўных гульняў.

Таксама дакументам вызначаны механізм ідэнтыфікацыі прыналежнасці грошай наведвальнікаў казіно для іх допуску да ўдзелу ў рызыкоўных гульнях і павялічаны тэрмін захоўвання запісаў камер відэаназірання ў ігральных установах з 30 да 60 сутак са дня іх фіксацыі. Указам устанаўліваецца забарона для гульцоў мець больш за адзін гульнявы акаўнт, а таксама браць удзел у рызыкоўнай гульні па ўказанні трэціх асоб.