ШІ, робаты, тэлемедыцына. У Беларусі праводзіцца ўвесь спектр мікрахірургіі вочных хваробаў

У Беларусі праводзіцца ўвесь спектр мікрахірургічных афтальмалагічных аперацый. У Беларусі колькасць высокатэхналагічных аперацый павялічылася больш як на 50 %. Усё дзякуючы новым тэхналогіям.

Сярод іх выкарыстанне штучнага інтэлекту, медыцынская робататэхніка, 3D-хірургія і сістэмы дастаўкі лекаў. Важную ролю выконваюць імплантацыйныя тэхналогіі: ад штучнага крышталіка да распрацоўкі штучнага вока. Найбольшай папулярнасцю сёння карыстаецца тэлемедыцына.

Афтальмалогія на стыку розных спецыяльнасцяў - праца камандная. Спецыялісты супрацоўнічаюць з генетыкамі, неўролагамі, рэўматолагамі, тэрапеўтамі, кардыёлагамі і эндакрынолагамі.

Сёння ў краіне праводзіцца ўвесь спектр мікрахірургічных аперацый. Развіваецца і міжнароднае супрацоўніцтва. Сучасныя тэхналогіі валодаюць вялізным патэнцыялам у афтальмалогіі, дазваляючы дыягнаставаць, лячыць і аднаўляць зрок з высокай дакладнасцю і эфектыўнасцю.