Кожны дзень радуецца жыццю - ветэран Іраіда Іваноўская у свае 98 гадоў працягвае натхняць

Асаблівая ўвага гэтымі вясновымі днямі жанчынам, якія перажылі гады Вялікай Айчыннай вайны. На іх слабыя плечы леглі выпрабаванні, якія з цяжкасцю вытрымлівалі нават мужчыны. Дакладнай лічбы няма, паводле неафіцыйных звестак, у падпольным руху на акупіраванай тэрыторыі Беларусі ўдзельнічала каля 25 тыс. жанчын. Сярод іх была і Іраіда Іваноўская.

8 Сакавіка - выдатная падстава сказаць словы падзякі тым жанчынам, дзякуючы якім у нас мірнае неба над галавой.

Вайна заспела Іраіду Іваноўскую 13-гадовай дзяўчынкай. Іх дом згарэў, браты пайшлі ў партызаны. Іраіда стала сувязной у 1941-м, пасля трапіла ў канцлагер, дзе прабыла 13 месяцаў. Выжыць удалося дзякуючы хуткаму вызваленню Чырвонай арміі. Пасля пешшу адправілася дахаты ў Віцебск. Трапіла ў ваенны шпіталь, куды папрасілася медсястрой. Дайшла да Германіі, дзе сустрэла Дзень Перамогі. Асабістым прыкладам у свае 98 гадоў працягвае натхняць.

Пасля вайны вярнулася ў родны край на папялішча. У 1946 годзе выйшла замуж за танкіста, нарадзіла двух сыноў. Пераехалі ў разбураны Мінск, жылі спачатку ў зямлянцы, потым у бараках. Муж - вадзіцель, стаў працаваць у дырэктара музея I з'езда РСДРП. Ім далі на гарышчы 9 квадратных метраў без вады, газу і электрычнасці, але і гэта было цудоўна.

Любіць жыццё, быць патрыётам і працаваць на карысць Айчыны - такі пасыл сучаснаму пакаленню нясе моцная духам Іраіда Іваноўская.