Мікалай Місіюк з Брэста стаў лепшым юным географам свету

Мікалай Місіюк з Брэста стаў лепшым юным географам свету. Першы абсалютны залаты медаль за ўсю гісторыю ўдзелу Беларусі ў сусветнай алімпіядзе. Спаборніцтва праходзіла ў Бангкоку і сабрала вучняў амаль з 50 краін.

Гэтая перамога - прамы доказ, што сістэма адукацыі Беларусі займае ганаровае месца на планеце.

Дапытлівы, працавіты, вельмі мэтанакіраваны - так гавораць пра Мікалая Місіюка ў гімназіі № 2 Брэста. Усе краіны свету ён вывучыў яшчэ ў дзіцячым садзе, крыху пазней стаў маляваць карты, у тым ліку ўяўных гарадоў. А зараз без запінкі распавядае пра асаблівасці кожнай дзяржавы. Школьная праграма давалася Мікалаю лёгка. Выдатны вынік па ўсіх прадметах, сярэдні бал - 10.

Мікалай Місіюк з'яўляецца абсалютным пераможцам Еўрапейскай геаграфічнай алімпіяды ў 2024 годзе і лепшым юным географам свету ў 2025-м. Залаты медаль Мікалая стаў чацвёртым у гісторыі ўдзелу Беларусі ў міжнароднай алімпіядзе.

Юнак паказаў самы высокі вынік сярод 180 інтэлектуалаў з 47 краін. Удзельнікі праходзілі мультымедыйны тэст, выконвалі заданні з тэарэтычнага блока і вырашалі геаграфічныя кейсы на англійскай мове.

"Калі мяне назвалі абсалютным пераможцам, гэта было нешта неверагоднае. Пра такі вынік я не мог нават марыць", - падзяліўся ўражаннямі пераможца.

Прадстаўлялі Рэспубліку Беларусь на XXI Міжнароднай геаграфічнай алімпіядзе тры разумнікі і разумніца з Брэста, Магілёва, Мінска. Рыхтавалі іх спецыялісты БДУ.

"Больш за ўсё ў геаграфіі мне падабаецца тое, якая гэта шматгранная навука. Яна ўключае ў сябе не толькі краіны, кантыненты, флагі, але і нейкія прыродныя кампаненты - вывяржэнне вулканаў, землетрасенне, расліннасць, жывёльны свет, але таксама нейкія сацыяльныя працэсы па тыпе міграцыі, глабалізацыі", - прызнаўся Мікалай Місіюк.

Юны географ лічыць, што для дасягнення высокіх вынікаў важна не толькі працаваць, але і знаходзіць час на адпачынак.

Ужо праз два дні Мікалай Місіюк зноў адправіцца ў інтэлектуальны бой. Кітай правядзе міжнародную алімпіяду па навуках аб Зямлі. І ўдзел у ёй можна прыняць толькі раз у жыцці.