Міністэрства замежных спраў Літвы прапанавала падоўжыць абмежаванні для грамадзян Беларусі і Расіі

Знешнепалітычнае ведамства Літвы прапанавала парламенту падоўжыць дзеянне шэрагу абмежаванняў у дачыненні да грамадзян Беларусі і Расіі. Пасля зацвярджэння санкцыі будуць дзейнічаць як мінімум да 2 мая 2026 года.

Наконт пашырэння пераліку абмежаванняў пакуль размова не ідзе, хаця гэтае пытанне можа ўзняць сам парламент.

Зараз Літва не выдае шэнгенскія візы грамадзянам Беларусі і Расіі, а таксама не дае пасведчанні на права жыхарства. Акрамя таго, дзейнічае забарона на гандаль некаторымі катэгорыямі тавараў з дзвюма краінамі.