Мітынг-рэквіем у Брэсцкай крэпасці адкрыў праграму Дня Незалежнасці ў горадзе

Маштабна святкуюць Дзень Незалежнасці роднай краіны ў кожным кутку. Асноўнай лакацыяй урачыстасцей у горадзе над Бугам стала легендарная цытадэль. Штогод гэтымі днямі яна літаральна патанае ў кветках.

Спадчыннікі Вялікай Перамогі памятаюць і шануюць сваю гісторыю, удзячныя кожнаму герою за мірную і квітнеючую Беларусь.

Яна першай прыняла ўдар ворага ў 1941 годзе, яе абаронцы мужна стаялі 32 дні, іх стойкасці былі здзіўлены нават нямецка-фашысцкія захопнікі. 3-га ліпеня аддаць даніну памяці ўсім героям Вялікай Айчыннай ідуць з раніцы.

Мітынг-рэквіем у легендарнай крэпасці па традыцыі адкрыў праграму Дня Незалежнасці ў Брэсце. На плошчы Цырыманіялаў сабраліся ўдзячныя нашчадкі з самых розных куткоў планеты. Жывыя кветкі леглі да Вечнага агню, у памяць аб кожным воіне хвіліна маўчання.

Урачыстым маршам тут прайшліся і байцы Брэсцкага гарнізона. У Свята-Мікалаеўскім гарнізонным саборы прагучала малітва "За Беларусь". Каля Лядовага палаца арганізавалі выставу ваеннай тэхнікі.

3 ліпеня ў Брэсце працуюць самыя розныя святочныя пляцоўкі. Вечарам усіх запрашаюць да галоўнага ўваходу - "Зоркі" Брэсцкай крэпасці. Там адбудзецца вялікі канцэрт, затым патрыятычная акцыя "Праспяваем гімн разам". Завершыць праграму дня феерверк.