Музеі і аграсядзібы - куды ездзяць беларусы ў сваёй краіне
2024 год можна смела назваць годам унутранага турызму. Усё больш беларусаў аддаюць перавагу падарожжам па Беларусі. У топе знаходзяцца музеі, санаторыі і аграсядзібы. Гэта абсалютны трэнд, які не страчвае папулярнасці і ў 2025 годзе.
Каб падтрымліваць цікавасць турыстаў, з'яўляюцца новыя турыстычныя аб'екты і маршруты, рэканструююцца загарадныя комплексы, абнаўляецца матэрыяльна-тэхнічная база лячэбніц, з'яўляецца больш турцэнтраў у рэгіёнах.
Якасная медыцына і кваліфікаваны персанал вабяць усё больш ахвотнікаў адпачыць і аздаравіцца ў беларускіх санаторыях. Кожны месяц у санаторый "Юнацтва" прыязджаюць тысячы турыстаў. Гэта не толькі беларусы, але і замежныя госці.
"Загрузка санаторыя ўжо шмат гадоў стабільная, яна блізкая да 100 % круглы год. 80 % складаюць грамадзяне Расійскай Федэрацыі. Таксама санаторый вельмі папулярны сярод грамадзян такіх краін, як Азербайджан, Латвія, Эстонія. З Германіі прыязджаюць пастаянныя госці", - расказала начальнік аддзела браніравання санаторыя "Юнацтва" Таццяна Каралькова.
Адпачынак з карысцю для здароўя сярод прыроды - беларускі трэнд. Толькі за 2024 год санаторна-курортнымі паслугамі скарысталіся больш за 1,5 млн беларусаў. Усяго ў краіне зараз функцыянуе каля 100 санаторыяў на 30 тыс. месцаў, у дадатак 40 аздараўленчых арганізацый.
Асаблівае месца аддадзена патрыятычнаму турызму. Усё больш людзей імкнуцца наведаць аб'екты, звязаныя з Вялікай Айчыннай вайной. У Беларускі дзяржаўны музей гісторыі Вялікай Айчыннай вайны ў Мінску ідуць цэлымі сем'ямі, бо яго экспанаты вяртаюць да падзей, што аб'ядноўваюць не адно пакаленне беларусаў. Музей гісторыі Вялікай Айчыннай - месца, якое павінен наведаць кожны беларус хоць раз у жыцці. Установа п праве застаецца самым наведвальным турыстычным аб'ектам не толькі Мінска, але і ўсёй Беларусі. Гісторыя ажывае тут у фатаграфіях, дакументах, ілюстрацыях. Тут пастаянна з'яўляюцца новыя экспанаты і выставы. Зусім нядаўна, напрыклад, адкрылася новая экспазіцыя. Кожны прадмет музея захоўвае гісторыю героя, яго лёс, боль і гора.
Сфера турызму ў Беларусі актыўна развіваецца, з'яўляюцца новыя тураб’екты і маршруты. Беларускі турыстычны прадукт расце колькасна і якасна, попыт перавышае прапанаванне. У беларускіх гасцініцах і санаторыях да мая забраніравана каля 60 % месцаў.