МЗС: з Лівана эвакуіраваны 19 беларускіх грамадзян

21 лістапада з Лівана былі эвакуіраваны 19 беларускіх грамадзян.

Яны выказалі жаданне пакінуць краіну ў сувязі са складаным ваенна-палітычным становішчам у рэгіёне. Пра гэта паведамілі ў МЗС нашай краіны. У ведамстве ўдакладнілі, што эвакуацыя была арганізавана беларускімі дыпламатамі сумесна з расійскімі партнёрамі.

У сувязі з тым што ў Ліване ўсё яшчэ застаюцца нашы грамадзяне, праца па аказанні ім садзейнічання ў розных формах будзе прадоўжана.