"На першым месцы - адказнасць саміх забудоўшчыкаў". Сівак аб будаўнічых патрабаваннях для юрасоб

31 студзеня Прэзідэнт Беларусі падпісаў Указ "Аб асаблівасцях будаўніцтва і прыёмкі аб'ектаў у эксплуатацыю". Згодна з дакументам, спрошчаны будаўнічыя патрабаванні для юрасоб. Размова пра будынкі 4-га і 5-га класаў складанасці.

З гэтага часу без лішніх бюракратычных працэдур. Так, калі аб'ект узводзіцца па праектах, якія паўторна прымяняюцца, альбо па праектах, якія ўжо праходзілі дзяржаўную будаўнічую экспертызу, прыёмка ў эксплуатацыю такіх аб'ектаў будзе ажыццяўляцца толькі на падставе заключэння органаў дзяржбуднагляду. Заключэнні ад іншых наглядных органаў не спатрэбяцца. Таксама больш не патрэбная дазвольная дакументацыя, зрэшты, як і перадпраектная і праектная, указам выключаецца і неабходнасць правядзення яе экспертыз. Па словах віцэ-прэм'ера Анатоля Сівака, на першым месцы будзе адказнасць саміх забудоўшчыкаў.

Анатоль Сівак, намеснік прэм'ер-міністра Беларусі:

"Адзінае патрабаванне, якое павінен выканаць забудоўшчык, - атрымаць узгадненне архітэктуры раённага ўзроўню".

Віцэ-прэм'ер растлумачыў, што, напрыклад, узгадненне трэба для праверкі: ці можна такі аб'ект будаваць у канкрэтным месцы з пункта погляду генплана.

Як адзначыў Анатоль Сівак, указам адмяняюцца ўсе бюракратычныя працэдуры. Плануецца, што эфектыўнасць і ўцягнутасць бізнесу ў будаўнічай галіне павялічыцца. Усе ўмовы для гэтага створаны.