Новы дзіцячы сад адкрылі ў Бараўлянах

З клопатам і ўвагай да самых маленькіх. 29 мая ў Бараўлянах была адкрыта новая дашкольная ўстанова для выхавання і адукацыі дзяцей. Разлічана яна на 240 месцаў.

Напярэдадні Міжнароднага дня абароны дзяцей у Бараўлянах радасная падзея - дашкольнае наваселле. У гэтым мікрараёне актыўна будуецца жыллё. Шмат маладых сем’яў з дзецьмі, таму інфраструктура для выхавання і адукацыі самых маленькіх асабліва запатрабавана. Мультыпрофільны цэнтр разлічаны на 240 месцаў.

Узвядзенне дзіцячага сада ў Бараўлянах - выдатны прыклад партнёрства Мінска і Мінскай вобласці. Сумесны праект разлічаны на 12 груп, 4 з якіх для дзяцей з 2 гадоў. 2 чэрвеня пачнуцца заняткі па адаптацыі першых груп.

На карце Мінскай вобласці ўзводзяць яшчэ 2 дзіцячыя садкі  - у Мінскім і Чэрвеньскім раёнах. А тут жа ў Бараўлянах будуецца школа. Адкрыццё такіх сучасных сацаб'ектаў - важная інвестыцыя ў будучыню з клопатам пра самых дарагіх - дзяцей.