Падзейны турызм: якія мерапрыемствы выбіраюць госці Беларусі

У Беларусі падвялі вынікі падзейнага турызму. Беларускія арганізацыі культуры штогод праводзяць каля 500 тыс. мерапрыемстваў.

Больш за ўсё турыстаў прыцягваюць музычныя і гастранамічныя фестывалі, этнакультурныя святы і рэканструкцыі.

Дар'я Шыбека, кансультант аддзела Дэпартамента па турызме Міністэрства спорту і турызму Беларусі:

"Самымі маштабнымі і вядомымі мерапрыемствамі сталі Рэспубліканскае свята "Купалле" ("Александрыя збірае сяброў"), Міжнародны фестываль мастацтваў "Славянскі базар у Віцебску". Не магу не адзначыць спартыўна-музычны фестываль Viva Braslav. Вельмі любяць нашы турысты наведваць гастранамічныя падзеі - "Гастрафэст", "Бацькава булка", "Вішнёвы фестываль", "Дранікфэст", "Іўеўскі памідор".

Падзейны турызм прызнаны адным з кірункаў у Рэспубліцы Беларусь, якія хутка развіваюцца. Ён спрыяе павелічэнню патоку турыстаў, росту прыбыткаў ад галіны і развіццю рэгіёнаў усёй Рэспублікі.