Паміж В'етнамам і Беларуссю з 30 студзеня пачне працаваць бязвіз

30 студзеня ўступае ў сілу беларуска-в'етнамскае пагадненне аб узаемнай адмене віз для ўладальнікаў нацыянальных пашпартоў.

У адпаведнасці з гэтым міждзяржаўным актам нашы суграмадзяне зараз змогуць знаходзіцца на тэрыторыі В'етнама да 30 дзён без атрымання дадатковых дазволаў. Аналагічнае права, але ўжо ў дачыненні да нашай краіны, атрымліваюць грамадзяне В'етнама.

Агульная працягласць такога знаходжання павінна складаць не больш як 90 дзён за год, пры намеры выбраць увесь гэты тэрмін без візы вы павінны будзеце выехаць і заехаць у В'етнам сама меней два разы.

Беларусам, якія хочуць бесперапынна правесці ў гэтай краіне больш чым 90 дзён, неабходна атрымаць электронную візу.