Памылак быць не павінна - як сёння праходзіць кантроль за працай Беларускай АЭС

Як сёння служыць людзям мірны атам? На тыдні Дзяржатамнагляд (гэта тая структура, якая адказвае ў тым ліку за бяспеку Беларускай АЭС), назваў 3 магчымыя пляцоўкі для пункта пахавання радыеактыўных адходаў. Два гады таму ўрад зацвердзіў стратэгію па абыходжанні з імі. Дакумент прадугледжвае ўзвядзенне цэнтралізаванага пункта пахавання. Зараз ідзе праца па выбары тэрыторыі.

Адна з іх - недалёка ад дзеючай АЭС. МАГАТЭ рэкамендуе размяшчаць аб'екты такога плана каля асноўнага напрацоўшчыка радыеактыўных адходаў. Другая пляцоўка - у Магілёўскай вобласці. Калі там будзе пабудавана другая атамная станцыя, то гэта пляцоўка таксама будзе ў прыярытэце. І апошні варыянт - у Палескім радыяцыйна-экалагічным запаведніку. Гэта тая тэрыторыя, якая больш за ўсё пацярпела ад аварыі на ЧАЭС і ніяк не выкарыстоўваецца з-за сваёй забруджанасці.

Для выбару месцаў пахавання створана ўрадавая камісія. У яе ўвайшлі эксперты з розных дзяржорганаў. А спецыяльная міжведамасная рабочая група пры Мінэнерга адсочвае каардынацыю выканання плана.

Што датычыцца дзеючай атамнай станцыі, за 5 гадоў працы яна паказала сваю эфектыўнасць і рэнтабельнасць. Дзяржатамнагляд рэгулярна праводзіць праверкі, пачынаючы з моманту яе праектавання. Галоўны крытэрый - бяспека мірнага атама (падрабязнасці ў відэа).