Парламентарыі Беларусі і Расіі абмеркавалі пытанні атрымання меддапамогі на тэрыторыі дзвюх краін

Парламентарыі Беларусі і Расіі абмеркавалі пытанні рэалізацыі роўных праў грамадзян пры атрыманні меддапамогі на тэрыторыі Саюзнай дзяржавы.

Дэпутаты - члены Камісіі Парламенцкага сходу па ахове здароўя правялі аналіз відаў і ўмоў аказання бясплатнай медыцынскай дапамогі на тэрыторыі абедзвюх краін і магчымасцяў атрымання платных паслуг. І па выніках зрабілі выснову - правы беларусаў і расіян у цэлым роўныя.

Выявілі і шэраг прабелаў у правапрымяняльнай практыцы. Сярод іх пытанні аказання медыцынскай дапамогі непаўналетнім дзецям, бацькі якіх пражываюць і працуюць у іншай краіне, а таксама студэнтам вочнай формы навучання. Асаблівая ўвага - пытанням аказання медыцынскай дапамогі ваеннаму і грамадзянскаму персаналу Узброеных сіл. Для ліквідацыі недахопаў дадзены рэкамендацыі.