Праваахоўнікі ў ліпені выявілі 15 злачынстваў падчас кантролю ў Гродзенскай вобласці

15 злачынстваў выявілі ў ліпені 2025 года праваахоўнікі падчас кантролю за правядзеннем уборачнай кампаніі ў Гродзенскай вобласці. Сярод іх - крадзяжы паліва, камбікармоў і ўдабрэнняў.

У проціпраўных дзеяннях абвінавачаны як радавыя працаўнікі, так і кіраўнікі структурных падраздзяленняў сельгазарганізацый. Так, у Гродзенскім раёне затрыманы двое братоў. Займаючы пасады брыгадзіраў на розных аграпрадпрыемствах, яны сістэматычна выкрадалі і звазілі на прысядзібны ўчастак разнастайныя тавары для сельскай гаспадаркі. Канфіскавана каля пяці тон камбікорму, 650 кілаграмаў заменніка малака і ветэрынарныя прэпараты.

Таксама на аб'ектах агракомплекса ў Гродзенскай вобласці затрымана больш як 100 нецвярозых вадзіцеляў. Комплекс праверачных мерапрыемстваў працягваецца.