Праверку боегатоўнасці праходзіць воінская часць Гродзенскага гарнізона

Першы этап праверкі Узброеных Сіл стартаваў па даручэнні кіраўніка дзяржавы. Маніторынг праходзіць адна з воінскіх часцей Гродзенскага гарнізона. Вайскоўцы адпрацуюць навучальна-баявыя задачы з прымяненнем розных відаў узбраення.

Як адзначаюць ваенныя, раптоўныя праверкі боегатоўнасці войскаў - самы дзейсны спосаб падрыхтоўкі да абароны краіны. І падтрыманне высокай баявой гатоўнасці, высокіх навыкаў органаў ваеннага ўпраўлення і войскаў з'яўляецца асноўнай задачай для Узброеных Сіл, якую вызначыў кіраўнік дзяржавы.