Прэзідыум Савета Рэспублікі падвёў вынікі працы ў Магілёўскай вобласці

Мэты і задачы ў працы дэпутацкага корпуса і выканаўчай улады на месцах 1 лістапада вызначылі члены Прэзідыума Савета Рэспублікі Нацыянальнага сходу Беларусі.

24 кастрычніка ва ўсіх раёнах Магілёўскай вобласці сенатары правялі прыём грамадзян, атрымаўшы зрэз праблем у сферах ЖКГ, занятасці, аховы здароўя. Вынік - многія пытанні ўзяты на кантроль. У асобных выпадках праблемы, з якімі людзі звярнуліся на прыём, узніклі з-за дрэннай інфармаванасці аб жыцці свайго раёна або вёскі, або ж некваліфікаванай кансультацыі на месцах. Значыць, мясцовай вертыкалі ёсць над чым працаваць.

Яшчэ адна агульная задача - захаванне гістарычнай памяці. Члены Прэзідыума Савета Рэспублікі ўсклалі кветкі да мемарыяла ў вёсцы Боркі і ўшанавалі хвілінай маўчання ахвяраў фашызму. Тут у чэрвені 1942 года карнікі знішчылі больш як 2 тыс. жыхароў, у тым ліку дзяцей і старых.