Profskills Belarus 2025 прайшоў у Беларусі

Вынікі чэмпіянату Profskills падвялі ў Мінску. Каля 400 канкурсантаў змагаліся за перамогу. Большая колькасць залатых медалёў сярод беларусаў - у сталічных удзельнікаў.

Акрамя льгот пры паступленні ў ВНУ пераможцам - грашовыя прызы, медалі і дыпломы. Таксама лепшыя ўвойдуць у нацыянальную зборную па прафмайстэрстве і прадставяць нашу краіну на міжнароднай арэне.

У рамках конкурсу праходзіў і Адкрыты чэмпіянат прафмайстэрства краін - партнёраў ЕАЭС плюс. У тройцы пераможцаў - удзельнікі з Расіі, Беларусі і Кітая.

Удзельнікамі конкурсу сталі прадстаўнікі каледжаў і ВНУ, а таксама маладыя спецыялісты. Яны дэманстравалі свае навыкі ў 50 кампетэнцыях.