Развітанне з зімой: 15 лютага ў Белавежскай пушчы праводзяць Снягурку на Паўночны полюс

15 лютага ў Белавежскай пушчы праводзяць Снягурку. Гэтая падзея абазначае заканчэнне зімы і надыход вясны.

Унучка Дзеда Мароза паедзе на Паўночны полюс, каб не растаць. Назад яна вернецца толькі праз год. Хаця падзея троху сумная, але ў рэзідэнцыі Дзеда Мароза яе адзначаюць з размахам - з конкурсамі і гульнямі, песнямі і карагодамі, майстар-класамі і традыцыйнымі пушчанскімі пачастункамі.

А вось Дзед Мароз будзе жыць у маёнтку і летам - рэзідэнцыя і надалей будзе прымаць гасцей разам з памочнікамі, таму казка ў Белавежскай пушчы пануе круглы год.