Шанц на перамяшчэнне без болю - як у Беларусі развіваецца эндапратэзаванне

Павышэнне якасці і даступнасці медыцынскай дапамогі - у Беларусі змянілі правілы эндапратэзавання буйных суставаў і прычыны здымання з чаргі. Аперацыю зараз можна перанесці на тэрмін да паўгода, але толькі па значных прычынах. Такой з'яўляецца смерць блізкага сваяка альбо цяжкае захворванне.

Ад папярэдніх праблем са здароўем у Мікалая Ракаўскага засталіся толькі ўспаміны. Дыягназ "артроз трэцяй ступені двух каленных суставаў" яму паставілі ў ліпені 2024 года. Зараз ужо аперацыя ў мінулым, і мужчына гаворыць, што яшчэ трохі - і фору маладому дасць.

Колькасць аперацый па эндапратэзаванні буйных суставаў у Беларусі расце - у 2024-м правялі больш як 21 тыс., а за апошнія пяць гадоў тэмпы павялічылі ў тры разы. Дапамога стала яшчэ больш даступнай - чаргі трэба чакаць ад некалькіх тыдняў да года.

Загадчык артапедычнага аддзялення № 2 РНПЦ траўматалогіі і артапедыі адзначыў, што беларускі каленны сустаў выкананы па ўсіх сусветных стандартах, яго імплантуюць другі год запар.

У Беларусі 46 устаноў аховы здароўя займаюцца эндапратэзаваннем тазасцегнавага сустава, з іх 25 - каленнага. Гэтымі відамі аператыўнага ўмяшання валодаюць 256 артапедаў. У 2024 годзе навучанне прайшлі 170 спецыялістаў.