Сіняўскі: З кожным годам Міністэрства па надзвычайных сітуацыях развіваецца

У Мінску маштабна адзначылі Дзень пажарнай службы. Стартавалі мерапрыемствы з ускладання на плошчы Перамогі. Пасля ўрачыстай часткі новыя званні і ўзнагароды ўручылі байцам ведамства. І афіцыйную праграму змяніла забаўная.

Гісторыя беларускіх агняборцаў пачалася яшчэ ў канцы XV стагоддзя. Тады быў зацверджаны склад каманды - усяго 51 чалавек. Гэта дата і стала знакавай. За гады структура сур'ёзна змянілася.

Сёння МНС Беларусі выконвае ўвесь спектр аварыйна-выратавальных работ - ад ліквідацыі пажараў да ўхілення аварый на нафта- і газаправодах. Кожны пажар і любая надзвычайная сітуацыя ўнікальныя. Для такой работы трэба валодаць вялікім спектрам ведаў, якія ратавальнікі атрымліваюць на службе, і ў адзінай профільнай ВНУ - Універсітэце грамадзянскай абароны. Высокі прафесіяналізм дазваляе байцам Беларусі штогод ратаваць тысячы жыццяў. Гэта адзначыў кіраўнік ведамства, уручаючы новыя званні і ўзнагароды без перабольшання лепшым людзям - байцам МНС (гл. у відэа).