СНІД можна спыніць

1 снежня - Міжнародны дзень барацьбы са СНІДам. У Беларусі прафілактыцы гэтага захворвання надаюць вялікую ўвагу.

Праходзяць інфармацыйныя кампаніі, якія ўключаюць правядзенне круглых сталоў, лекцый і выстаў. Іх мэта - прыцягнуць увагу да праблем віруса імунадэфіцыту. Атрымала вялікае распаўсюджанне праходжанне ананімных экспрэс-тэстаў, палепшылася прафілактыка і лячэнне ВІЧ-інфекцый, пацыенты атрымліваюць бясплатныя прэпараты новага пакалення. Дзякуючы прынятым мерам хваробу можна спыніць.

Паводле звестак на 2024 год, у Беларусі 25 тыс. ВІЧ-інфікаваных, 70 % якіх у Мінску, Мінскай і Гомельскай абласцях, і гэта людзі ва ўзросце ад 30 да 49 гадоў. Ёсць і станоўчая дынаміка: сёлета зафіксавана на 14 % менш новых выпадкаў у параўнанні з мінулым годам.