"Спазнай Беларусь - 2025": стартаваў прыём заявак на турыстычны конкурс

У краіне пачаўся прыём заявак на 23-ці рэспубліканскі турыстычны конкурс "Спазнай Беларусь - 2025". Усяго 14 намінацый.

Прыняць удзел могуць як прафесіяналы ў сферы турызму (турфірмы, брэнды, экскурсаводы), так і энтузіясты (актыўныя падарожнікі, творчыя асобы, і ўсе, хто захоплены папулярызацыяй беларускага турызму. Школьнікі і студэнты таксама могуць далучыцца, але толькі ў намінацыі "Я спазнаю Беларусь".

Конкурс дае магутны імпульс для развіцця турыстычнай галіны нашай краіны. Заахвоцяць лепшых гульцоў рынку, прастымулююць інавацыйныя ідэі і паспрыяюць іх укараненню ў практыку.

Кацярына Аляксеева, начальнік аддзела інфармацыйнага забеспячэння Нацыянальнага агенцтва па турызме:

"Для кожнай намінацыі створана асобная заяўка. Трэба прайсці па спасылцы і запоўніць форму. У кожнай намінацыі распрацаваны асаблівыя крытэрыі. У 2025 годзе мы дадалі крытэрыі, якія прысвечаны Году добраўпарадкавання і 80-годдзю Перамогі ў Вялікай Айчыннай вайне".

Падрабязнасці можна даведацца на афіцыйным партале Нацыянальнага агенцтва па турызме. Заяўкі прымаюцца па 30 верасня ўключна. Пераможцаў аб'явяць у снежні.