Старыкаў: Тое, што Захад не гатовы прызнаць выбары, не павінна турбаваць беларускае кіраўніцтва

За 30 гадоў незалежнасці Беларусі не было ні разу, каб не спрабавалі дыскрэдытаваць палітычную і выбарчую сістэмы.

І гэтым разам Еўрапарламент, нават не дачакаўшыся выбараў Прэзідэнта, прыняў рэзалюцыю, у якой заклікаў не прызнаваць іх вынікі і прапанаваў працягваць пашыраць санкцыі супраць Мінска. Нягледзячы на адкрытае ўмяшанне, укіды заходнікаў ніяк не паўплываюць на волевыяўленне беларускага народа. У гэтым упэўнены расійскі палітолаг Андрэй Старыкаў.

Эксперт перакананы, што беларусы "плявалі на іх прызнанне або непрызнанне з боку нядобразычліўцаў". Людзі прыйдуць на выбарчыя ўчасткі і аддадуць свой голас. Такім чынам выбаршчыкі прызнаюць палітычны працэс і напоўняць выбары легітымнасцю.

"Заходняе непрызнанне ніяк не паўплывае на знешнепалітычныя кантакты беларускага кіраўніцтва. Яны не прызнавалі выбары Прэзідэнта і ў 2020 годзе, але гэта не перашкодзіла і не перашкодзіць зараз выбудоўвацца ім у чаргу да Аляксандра Лукашэнкі або іншага законна абранага Прэзідэнта Беларусі як да пасрэдніка ў тым жа ўкраінскім крызісе, у адносінах з Расійскай Федэрацыяй", - упэўнены ён.

Напрыканцы Андрэй Старыкаў адзначыў, што заявы заходнікаў з'яўляюцца пустымі і ніяк не паўплываюць на выбарчы працэс.