Ці завышаюць цэны ў магазінах на беларускую прадукцыю - што паказала праверка?

З-за бягучых крызісаў цэны на харчаванне ў свеце вырастуць - гэта ў адзін голас паўтараюць эксперты, таму самая пільная ўвага напярэдадні вялікай гарачай пары надаецца стабфондам.

Там работа кіпіць - гародніну перабіраюць і рыхтуюць да рэалізацыі ў гандлёвыя сеткі і аб'екты сацсферы. Такія сховішчы фарміруюць па восені ў кожным рэгіёне, зыходзячы з патрэбнасцяў беларусаў.

Цэны на прадукцыю са спісу рэгулююць, каб пакінуць гэтыя тавары даступнымі для ўсіх, а на паліцах і ў міжсезонне была вітамінная прадукцыя, і па ўсім гэтым ланцужку наладжаны сістэмны кантроль. Спецыялісты адправіліся ў стабфонды і магазіны, каб даведацца, ці ёсць беларуская гародніна і садавіна ў засеках і на прылаўках (гл. у відэа).