У 2024 годзе Беларусь наведалі амаль 370 тыс. арганізаваных турыстаў

Развіццё інфраструктуры, стварэнне новых маршрутаў і трансфармацыя турыстычнага рынку дазваляюць павялічваць турпаток і ўмацоўваць пазіцыі нашай краіны на міжнароднай арэне. Толькі ў 2024 годзе Беларусь наведалі амаль 370 тыс. гасцей. Размова ідзе пра турыстаў, якія выбіралі арганізаваныя туры для знаёмства з беларускімі славутасцямі і культурай. Такія даныя прыводзіць Белстат.

Лідарамі па ліку наведванняў сталі расіяне - іх аказалася больш за 355 тыс. чалавек. На другім месцы - латвійцы. А замыкаюць тройку - госці з Турцыі.

Таксама ў 2024 годзе ў нашу краіну прыязджалі экскурсійныя групы з Кітая, Літвы, Эстоніі, Германіі, Казахстана і Азербайджана. У сярэднім турысты праводзяць у Беларусі каля 4 дзён.

Стымулюе паток турыстаў у Беларусь з розных краін, у тым ліку Еўропы, бязвізавы рэжым. Ён дзейнічае да канца 2025 года для грамадзян 38 еўрапейскіх краін.