У 2025 годзе плануецца ўвесці ў гаспадарчы абарот каля 5,5 тыс. закінутых дамоў

У Беларусі ў 2025 годзе плануецца ўвесці  ў гаспадарчы абарот каля 5,5 тыс. закінутых дамоў. З улікам правядзення Года добраўпарадкавання ў параўнанні з 2024-м планавыя паказчыкі павялічаныя на чвэрць.

Аб гэтым гаварылі на пасяджэнні калегіі Дзяржкамітэта па маёмасці. Тут падвялі вынікі 2024 года і паставілі мэты на 2025-ы. Галоўны акцэнт - навядзенне парадку на зямлі, а яшчэ лічбавізацыя галіны.

Працягнецца і зямельная амністыя. Больш за траціну рашэнняў станоўчыя, гэта значыць прынятыя на карысць грамадзяніна, які звяртаецца, каб легалізаваць заняты ўчастак.