У Беларусі адзначаюць Дзень металурга

20 ліпеня ў Беларусі адзначаюць Дзень металурга. Гэта прафесійнае свята ўсіх, хто разлівае метал і выпускае прадукцыю найвысокай якасці, запатрабаваную ў будаўніцтве і машынабудаванні, вытворчасці аўтамабільных шын і рызінатэхнічных вырабаў, нафтагазавай прамысловасці.

Сёння беларуская металургія - адна з ключавых галін цяжкай прамысловасці, нацыянальны брэнд. На чале холдынгу стаіць БМЗ - сучасны завод еўрапейскага ўзроўню. На нацыянальныя інтарэсы ў складзе холдынгу працуюць яшчэ больш за 20 прадпрыемстваў па ўсёй краіне.

Беларускі металургічны завод - гэта прадпрыемства чорнай металургіі, флагман галіны, прамысловы гігант, самы вядомы брэнд індустрыяльнай Беларусі. Сваю гісторыю ён піша з 1984 года. Тады на самым сучасным заводзе ў свеце жлобінскія сталявары выпусцілі першую партыю запатрабаванай прадукцыі (гл. у відэа).