У Беларусі стартаваў апошні тыдзень збору подпісаў за прэтэндэнтаў на галоўную дзяржаўную пасаду

Тэрытарыяльныя камісіі па выбарах Прэзідэнта Беларусі прымаюць падпісныя лісты ад ініцыятыўных груп па зборы подпісаў у падтрымку вылучэння кандыдатаў.

Нагадаем, 6 снежня стане апошнім днём гэтага этапу электаральнай кампаніі.

2 снежня ў выбарчую камісію Кастрычніцкага раёна г. Мінска перададзена частка падпісных лістоў ад члена ініцыятыўнай групы па вылучэнні кандыдатам у Прэзідэнты Аляксандра Лукашэнкі. У камісіі падкрэсліваюць, што сабраныя подпісы ў камісію падалі і іншыя ініцыятыўныя групы.

Разам з тым, ініцыятыўныя групы працягваюць работу. Пікеты праходзяць у грамадскіх месцах. З 7 па 21 снежня Цэнтральная выбарчая камісія гатова прымаць дакументы, неабходныя для рэгістрацыі кандыдатаў.