У Беларусі стартаваў сезон летняга аздараўлення і адпачынку школьнікаў

У Беларусі стартаваў сезон летняга аздараўлення і адпачынку школьнікаў. Толькі ў Мінску за тры месяцы канікул пуцёўку ў займальную змену атрымаюць больш як 78 тысяч дзяцей. На выбар розныя профілі і фарматы: загарадныя, палатачныя, перасоўныя, кругласутачныя і толькі з дзённым знаходжаннем.

Усяго ў лелтнім аздараўленчым сезоне ў сталіцы будуць працаваць больш як 400 лагераў. З іх 28 - у лясным масіве. Адпачынак прапаноўваюць і на базе ўстаноў дадатковай адукацыі дзяцей і моладзі.

Лета для многіх дзяцей гэта і магчымасць атрымаць першы вопыт працы і нядрэнную зарплату ў студатрадзе. На выбар у гэтым працоўным семестры - амаль 58 тысяч месцаў, у прыватнасці, у саставе сэрвісных, педагагічных, экалагічных, аграрных, будаўнічых каманд.