У Беларусі стартавала прыёмная кампанія ў каледжах

У Беларусі дадзены старт прыёмнай кампаніі ва ўстановах прафтэхадукацыі. Больш за 160 каледжаў расчынілі дзверы для абітурыентаў. Сёлета плануецца прыняць каля 28 тыс. чалавек, у тым ліку каля 5,5 тыс. на ўмовах мэтавай падрыхтоўкі.

Выбар спецыяльнасцей уражвае – больш за 200. Зараз папулярныя інжынерныя, перапрацоўчыя і будаўнічыя кірункі, таксама спецыяльнасці ў сферы сельскай, лясной і рыбнай гаспадаркі. Нямала абітурыентаў хочуць стаць ветэрынарамі.

Прыемным сюрпрызам стала тое, што ў 2025 годзе каледжы адкрываюць набор на новыя спецыяльнасці і кваліфікацыі.

Дакументы ў прафтэхкаледжы будуць прымаць па 23 жніўня. А вось прыёмная кампанія ва ўстановы сярэдняй спецыяльнай адукацыі стартуе з 18 ліпеня. Усе падрабязнасці можна даведацца на сайце каледжаў.