У Беларусі запрацавала спрошчаная сістэма спагнанняў

Не аплаціў штраф своечасова - яго спішуць з рахунку судовыя выканаўцы. Спрошчаная сістэма спагнання няплат запрацавала ў Беларусі.

Новы закон падпісаў кіраўнік дзяржавы ў мінулым месяцы, уступіць у сілу ён у студзені. Пакуль сістэма працуе ў тэставым рэжыме. З ёй добра знаёмы вадзіцелі.

За няплату штрафу за хуткасць на працягу месяца грошы спісваліся аўтаматычна з карты парушальніка. Зараз такім чынам будуць спаганяць усе пратэрмінаваныя запазычанасці, акрамя аліментаў.

Акрамя сумы штрафу, з карты таксама спішацца прымусовы збор - 10 % ад сумы доўгу.