У Брэсце адкрыюць помнік савецкім пагранічнікам

Падарунак да 80-годдзя Перамогі - у Брэст даставілі помнік савецкім пагранічнікам. Кампазіцыя вышынёй звыш 3,5 м выраблена ў студыі ваенных мастакоў імя Грэкава Мінабароны Расіі. Яна сімвалізуе аднаўленне дзяржмяжы СССР у 1944 годзе. Урачыстае адкрыццё помніка адбудзецца 21 чэрвеня ля Паўночных варот Брэсцкай крэпасці.

"Гэта падарунак брастаўчанам у год 80-годдзя Перамогі ў Вялікай Айчыннай вайне. Дадзены падарунак стаў магчымым дзякуючы цеснаму супрацоўніцтву абаронных ведамстваў Расіі і Беларусі. Дадзены манумент становіцца на баланс ваенкамата Брэсцкай вобласці. Адкрыццё пройдзе 21 чэрвеня ў 12:30 ля Паўночных варот Брэсцкай крэпасці. У цырымоніі прымуць удзел службовыя асобы абароннага ведамства міністэрстваў абароны Беларусі і Расіі, іншыя сілавыя структуры і органы мясцовай улады", - распавёў ваенны камісар Брэсцкай вобласці Аляксандр Самарэвіч.

Праект рэалізаваны дзякуючы цеснаму ўзаемадзеянню абаронных ведамстваў Беларусі і Расіі і асабіста міністраў абароны.