У ГЦ "Сталіца" адкрылі новую ўнікальную выставу ў падтрымку людзей з абмежаванымі магчымасцямі

Магчымасць быць пачутым праз мастацтва. Такі пасыл ва ўнікальнага інклюзіўнага праекта Беларускага саюза жанчын "Іншая глыбіня". Ён накіраваны на падтрымку таленавітых людзей з абмежаванымі магчымасцямі.

У гандлёвым цэнтры "Сталіца" мінчане і госці Мінска могуць азнаёміцца з творчасцю самабытнай мастачкі са Старых Дарог Крысціны Жукавец. Для дзяўчыны гэта першая такая вялікая выстава. Малюе яна з самога дзяцінства. Але ў выніку стала псіхолагам, а любоў да мастацтва ўсё роўна засталася. Стварае працы ў незвычайных тэхніках.

Паглядзець на працы Крысціны можна да канца лютага. Дарэчы, праект "Іншая глыбіня" за год пазнаёміў беларусаў з мастацтвам дзясяткаў таленавітых і творчых людзей з абмежаванымі магчымасцямі.