У ГЦ "Сталіца" будуць праходзіць тэматычныя мерапрыемствы, прысвечаныя Тыдню бацькоўскай любові

Дэмаграфічная сітуацыя ў Беларусі заўсёды пад кантролем. Так, напрыклад, мяркуючы па статыстыцы, расце ў краіне і колькасць шматдзетных сем'яў. І сёння асаблівая ўвага нашым блізкім.

Дзень маці даў старт Тыдню бацькоўскай любові ў Беларусі. Гэта выдатная падстава сказаць маці і тату дзякуй за жыццё.

У гандлёвым цэнтры "Сталіца" вялікае свята падрыхтавала Мінская гарадская арганізацыя Беларускага саюза жанчын. 14 кастрычніка пройдзе ўрачыстае адкрыццё. Пачынаючы з 15 кастрычніка, кожны раён горада пакажа сваю забаўную праграму. Яна будзе праходзіць штодня з 13:00 да 15:00 і з 17:00 да 19:00 на ніжнім узроўні ГЦ.

Сярод мерапрыемстваў чакаюцца выступленні моладзевых калектываў, у тым ліку сямейных, майстар-класы, праграмы з удзелам анімацыйных герояў, выставы дэкаратыўна-прыкладной творчасці дзяцей.

Разам з Белпошта ва ўсіх будзе магчымасць на працягу гэтага тыдня адправіць тэматычную паштоўку бацькам (падрабязнасці ў відэа).