У Мінску прайшоў мітынг-рэквіем - удзельнікі аддалі даніну памяці ахвярам ВАВ

Мітынг-рэквіем напярэдадні Дня ўсенароднай памяці ахвяр Вялікай Айчыннай вайны і генацыду беларускага народа прайшоў 20 чэрвеня ў Мінску.

Аддаць даніну памяці тым, хто набліжаў Вялікую Перамогу. Менавіта з гэтай важнай місіяй прадстаўнікі Камуністычнай партыі Беларусі сабраліся ля помніка-мемарыяла "Беларусь партызанская".

Напярэдадні Дня ўсенароднай памяці ахвяр Вялікай Айчыннай вайны і генацыду беларускага народа камуністы ўсклалі кветкі і вянкі да манумента, а таксама ўшанавалі загінуўшых хвілінай маўчання. Знакавым момантам стаў запуск у неба белых галубоў - сімвалаў міру - і разгортванне ўсімі ўдзельнікамі мітынгу Сцяга Перамогі.

Без сумнення, пакуль жывая памяць, у сэрцах жывуць героі Вялікай Айчыннай вайны. Беларусы памяталі, памятаюць і будуць памятаць кожнага, хто загінуў у баях за наша сённяшняе мірнае неба над галавой.