У Мінску затрыманы амаль 40 работнікаў ашуканскіх кол-цэнтраў. Аб чым шкадуюць фігуранты?

Гучная навіна са свету крыміналу: затрымана чарговая група лжэкрыптаброкераў у Мінску. Гэта вынік буйной спецаперацыі беларускіх праваахоўнікаў. Без малога 4 дзясяткі падазроных аказаліся ў наручніках.

Затрыманыя ўжо дапытаны следчымі і даюць прызнальныя паказанні. Усе яны - маладыя людзі, у якіх усё жыццё наперадзе. Але якім яно будзе зараз? Фігурантам прад'яўлены абвінавачанні паводле артыкула "Махлярства", а значыць - некаторым пагражае да 10 гадоў зняволення.

Гэта ўжо не першы такі выпадак - мінулай зімой выявілася цэлая сетка ашуканцаў у Мінску і Маскве.

Як псеўдаспецыялісты вялі сваіх ахвяр па ўяўным фінансавым рынку і аб чым зараз больш за ўсё шкадуюць фігуранты? (Гл. відэа).