У Нацыянальным дзіцячым тэхнапарку стартаваў моладзевы хакатон "ПраТэхна"

Моладзевы фестываль інавацыйных тэхналогій праходзіць у Нацыянальным дзіцячым тэхнапарку. 16 чэрвеня там стартаваў хакатон "ПраТэхна".

Інтэнсіў дазволіць удзельнікам набыць новыя веды і кампетэнцыі ў галіне праграмавання, робататэхнікі і электронікі. Акрамя таго, юным інжынерам за 10 дзён трэба будзе прыдумаць і рэалізаваць камандны праект.

"Мы зрабілі праект у гонар 80-годдзя Перамогі, які прадугледжвае экскурсію па Брэсцкай крэпасці", - распавёў навучэнец СШ № 30 г. Гомеля Кірыл Равуноў.

У рамках фестывалю ўжо адбыўся робатурнір. 392 каманды з Беларусі і Расіі спаборнічалі ў 43 катэгорыях, сярод якіх гонкі беспілотных робатаў-аўтамабіляў, робафутбол, робасумо і перамяшчэнне разумных машын па лініі.