У Віцебску 25 маці ўзнагародзілі ордэнам ім. З. Тусналобавай-Марчанкі

З Днём маці 14 кастрычніка віншуюць беларусак. Шматдзетных мам, а таксама жанчын, якія выхоўваюць прыёмных і асаблівых малышоў, ушаноўвалі ў Віцебску.

Сярод іх паспяховыя кіраўнікі, медработнікі, педагогі, менеджары, прадстаўнікі АПК. Яны ўмела сумяшчаюць мацярынства і кар'еру, удзельнічаюць у творчых праектах і займаюцца спортам.

Сёння 12 прадстаўніц паўночнага рэгіёна атрымалі ордэн Маці, а 25 сталі лаўрэатамі штогадовай абласной прэміі імя Героя Савецкага Саюза Зінаіды Тусналобавай-Марчанкі.

За апошнія тры гады на поўначы краіны назіраецца рост шматдзетных сем'яў. Зараз іх амаль 12 тыс.